Brjálaður Anarkisti

Frábært partý!!

Ég var að breyta veffangi þessa bloggs, eins og sjá má hér að ofan.

Þegar ég var 14 eða 15 ára var vinur minn í sumarvinnu í Múlastöð, þar sem faðir hans var símvirki. Einn föstudagseftirmiðdag heimsótti ég hann í vinnuna. Þá voru þar allir starfsmenn að skemmta sér við að hlusta á símtöl af handahófi. Öllum fannst þetta mjög fyndið nema mér, sem blöskraði.

Það var reyndar mjög algeng tilfinning í þá daga. Og ef til vill enn.

PS: er nafnorðið af blöskra blöskur, eins og öskur af öskra?

Hvernig verður þetta nýja embætti sem ónafngreindur dómsmálaráðherra er að fara að búa til? Mun það hafa ótakmarkaðar hlerunarheimildir?

Hleranir í dag eru allt annar hlutur en þær voru á dögum kalda stríðsins. Nú þarf til dæmis ekki lengur að tengja neins staðar inn á línuna, það er bara nóg að afrita gagnastraum í símstöð og er hægt að gera frá tölvu hvaðan sem er.

Verður þetta pólitískt skipað embætti?

Verður hægt að fylgjast með og skrá allt sem embættið gerir í krafti síns embættis? Mun Alþingi fá að vita hvað er að gerast?

Ég var að komast að því að til að gera gítarinn alveg réttan þarf að stilla G-strenginn kvarttón lægra en ferund fyrir ofan D-strenginn. Síðan stilla B (eða H ef þú fórst í alvöru tónlistarnám hér á landi) eftir G og E eftir lægri E.

Nú, rétt rúmlega ári eftir að ég hætti að brúka tóbak er ég hættur að drekka kaffi. Þess í stað drekk ég te, aðallega Special Gunpowder, en slæ þó ekki hendinni á móti Darjeeling.