Brjálaður Anarkisti

Hér er listi af nokkrum þeim bókum sem ég las í menntaskóla (og reyndar sumar fyrr) og höfðu hvað mest áhrif á mig á þeim viðkvæma aldri:

• Steppenwolf - Hermann Hesse (í enskri þýðingu frá Penguin)
• Enten-Eller - Søren Kierkegaard
• L’Homme Révolté - Albert Camus (Í enskri þýðingu sem The Rebel)
• Also Sprach Zarathustra - Friedrich Nietzsche (í enskri þýðingu sem Thus Spoke Zarathustra)
• Zen and The Art of Motorcycle Maintenance - Robert M. Pirsig
• The Electric Kool-Aid Acid Test - Tom Wolfe
• One Flew Over The Cuckoo’s Nest - Ken Kesey
• Bréf til Láru - Þórbergur Þórðarson
• Vefarinn mikli frá Kasmír - Halldór Kiljan Laxness
• Ecce Homo - Friedrich Nietzsche (í enskri þýðingu)
• The Divided Self - R.D. Laing
• Jenseits von Gut und Böse - Friedrich Nietzsche (í enskri þýðingu)
• Hamlet - William Shakespeare
• The Tempest - William Shakespeare
• Manfred - George Gordon, Lord Byron
• In Catilinam - M. Tullius Cicero (á Latínu!)
• Sonnets - William Shakespeare
• Fornar ástir - Sigurður Nordal
• Stranger in a Strange Land - Robert Heinlein
• Siddhartha - Hermann Hesse (í enskri þýðingu)
• Narziss und Goldmund - Hermann Hesse (í enskri þýðingu)
• Lennon Remembers - Jann Wenner
• El libro de arena - Jorge Luis Borges (á ensku sem The Book of Sand)
• Egils Saga - Snorri Sturluson
• Labyrinths - Jorge Luis Borges (safn smásagna í enskri þýðingu)
• Complete Works - Oscar Wilde
• Man and Superman - George Bernard Shaw
• Братья Карамазовы - Fjodor Dostoéfskí (í enskri þýðingu sem The Brothers Karamazov)
• Inferno - August Strindberg (sökum misskilnings, í sænskri þýðingu)

Ég vaknaði í morgun og fannst ég ekki geta andað. Röddin var orðin að raspandi bassarödd og ég hóstaði upp grænu slími. Ég hefði ekki átt að labba svona mikið um berhöfðaður á laugardagskvöldið, en þá fór ég á jólahlaðborð Reiknistofnunar, þaðan í fimmtugsafmæli Kjartans mágs míns og þaðan á bæjarrölt þar sem ég kom meðal annars við á Domo. Mjög gott kvöld en engin ævintýri.

Ég eldaði mér kjötsúpu með engifer og um hádegisbilið var röddin farin að hljóma eins og í manneskju, en ennþá líður mér ekki nógu vel. Ég býst samt við að verða orðinn góður á morgun.

Mér sýnist hún vera að hverfa.

Ég þarf að flytja eitthvert burt. Helst langar mig til Grænhöfðaeyja, en það er eitthvað erfitt núna, þannig að ég geri mig ánægðan með litla leiguíbúð í 101 eða 105 (hugsanlega 107) í nokkra mánuði.

Í dag eru nákvæmlega tíu ár síðan ég hóf fyrst störf hjá Reiknistofnun Háskóla Íslands.

Í tilefni nýlegra frétta hef ég stofnað til nýs bloggs um stjórnmálaumræðu. Ég mun auðvitað halda áfram að blogga hér um önnur hjartans mál.

Við hjónin fórum til sýslumanns í morgun og sóttum um skilnað að borði og sæng. Þetta hefur verið í bígerð í nokkurn tíma hjá okkur og er síður en svo nein hvatvísisákvörðun. Við erum góðir vinir og við höfum ákveðið að halda því áfram, en hætt er að slettist upp á vinskapinn ef við byggum öllu lengur saman.