Í Bloggmýrinni
Ég var að skrifa undir gagn-gagn-gagntilboð í dag. Ég var sum sé að festa kaup á íbúð og fæ hana afhenta við undirritun kaupsamnings, sem á að verða ekki síðar en 22. desember. Hún er að Mánagötu, ekki mjög langt frá Þórdísi og bara í næsta húsi við Stefán. Ég legg til að nafni þessa hverfis verði breytt og hún kölluð Bloggmýri.
8. desember 2006 klukkan 19:13
Til hamingju með fjárfestinguna!
8. desember 2006 klukkan 20:03
frábært
Styð tillögu um nafnbreytingu…
8. desember 2006 klukkan 21:33
Vá en yndælt! Til haaaaaamingju! Innflutningsparty??
8. desember 2006 klukkan 22:34
9. desember 2006 klukkan 12:16
Þið eruð boðnar í innflutningspartíið, en dagsetningin er enn á huldu.
9. desember 2006 klukkan 14:33
Hahaha
þú gerir þér vonandi grein fyrir því að svona landsbyggðarpakk eins og ég heimtar að það sé tekið tillit til veðurfars, atvinnuástands úti á landi og álíka þegar svona er planað.
9. desember 2006 klukkan 23:55
O en æði, hlakka til. Hvort langar þig í útsaumaða mynd af skútu eða smyrnað veggteppi af sólarlagi?
9. desember 2006 klukkan 23:59
Þú ræður. Hverjir aðrir ættu að kíkja í þetta innflutningspartí? Aðrir sem hafa kommentað hér?
10. desember 2006 klukkan 13:06
Það er dónaskapur að tala um innflutningspartý og ætla svo að skilja útundan……:-)
10. desember 2006 klukkan 16:19
Aldrei að vita nema maður myndi demba sér í innfluttningspartý svona ef maður ætti leið í bæinn á annað borð. Maður hefði þá allavega tilefni
Hvernig litist þér á útsaumaðan hestshaus í innfluttningsgjöf? hahahahahaha
10. desember 2006 klukkan 18:04
flott hjá þér, þá er hægt að koma við á nokkrum stöðum á leið úr eða í Friðarhús
10. desember 2006 klukkan 18:20
flæddi nokkuð inn í íbúðina í fyrrinótt?
10. desember 2006 klukkan 21:53
Linda: auðvitað verður enginn skilinn útundan.
Harpa: mun minna mig á The Godfather.
Systa: já, ég hef verið að uppgötva að ég þekki fólk alls staðar í kring.
Hildigunnur: ég efast um það, enda er hún á fyrstu hæð.
Ég hafði upphaflega verið að leita að kjallaraíbúð, enda bjóða þær upp á fleiri möguleika fyrir kattahald. Þessi bara leit svo vel út og er staðsett svo skemmtilega að ég gat ekki staðist hana.
Mig blóðlangar til að halda innflutningspartý frekar fyrr en síðar, hvaða dagur myndi helst henta ykkur?
10. desember 2006 klukkan 23:59
Hvenær flytur maðurinn??
11. desember 2006 klukkan 0:31
Tjah, ég fæ afhent 22. Meiningin var að flytja inn helsta dótið samdægurs og síðan mjatla restinni smám saman.
11. desember 2006 klukkan 8:55
uss, kettir komast alveg inn í fyrstuhæðaríbúðir
Hlýtur að vera hægt að finna út úr því…
11. desember 2006 klukkan 8:56
og ekki 28. des fyrir innflutningspartíið!
11. desember 2006 klukkan 9:45
til hamingju Elías:)
11. desember 2006 klukkan 14:00
Hérna.. Elías.. ertu nokkuð með síu á kommentin þín þannig að aðeins konur geti kommentað? *-)
11. desember 2006 klukkan 14:05
Nei, þetta er einhver ótrúleg tilviljun!
Ég sver það, ég hef ekki hugmynd um hvað allar þessar konur eru að gera hér!
11. desember 2006 klukkan 14:09
Ekki svona lúmskur. Ég fékk dreifibréf frá þér.
11. desember 2006 klukkan 17:08
Þetta gæti orðið skondið partí, Elías í Hareminu…
16. desember 2006 klukkan 16:11
Hvar færðu alla þessa peninga? Ertu í innflutningi?
16. desember 2006 klukkan 20:14
Heldurðu að ég kaupi íbúðir fyrir vasapeninga?
Það vill svo til að 1) ég á aðra íbúð fyrir sem hefur hækkað mikið í verði síðan ég keypti hana 2) ég hef alltaf staðið í skilum í bönkum, þótt það hafi þýtt að ég hafi aldrei getað leyft mér neitt sem fólk á mínum aldri og í svipaðri stöðu hefur ráð á 3) ég á varla annars úrkosta, enda er leigumarkaðurinn þannig að það kostar meira að búa í rottuholu sem maður getur misst hvenær sem er með skömmum fyrirvara heldur en að kaupa sitt eigið.