Brjálaður Anarkisti

í fyrradag var ég að endurheimta gögn af server sem hrundi um helgina en tókst ekki betur en svo að ég skrifaði kerfisgögn óvart á vinnustöðina mína. Svo vildi einmitt til að stýrikerfið á þessum tveimur vélum er áþekkt, en ekki hið sama, þannig að vissar skrár sem skrifuðust inn sem nýjar á vinnustöðina fóru að trufla fyrir þannig að í morgun sprakk hún á limminu og neitaði að ganga meir.

Ég hefði getað eytt hálftíma í að laga þetta en ákvað að nýta tækifærið í allsherjar uppfærslu stýrikerfis. Hún heppnaðist bara dável.

Ég biðst velvirðingar á að hafa sleppt öllum tæknilegum smáatriðum úr þessari frásögn, en það er vegna þess að slíkt myndi einungis rugla flesta lesendur þessa bloggs í ríminu.

Þessi grein var skrifuð miðvikudaginn 31. janúar 2007 klukkan 15:13. Hægt er að fylgjast með umræðunum gegnum RSS 2.0 veitu. Hægt er að skilja eftir athugasemd.