Bannmerking
Eitt undarlegt atvik sem henti mig áðan fékk mig til að hugleiða flókna spurningu tilvistarlegs eðlis: er hægt að bannmerkja óskráð símanúmer? Eru óskráð númer ekki bannmerkt í sjálfu sér? Jafnvel bannfærð?
Ég er með landlínu, einungis í þeim tilgangi að geta haft ADSL. Ég nota það númer aldrei til neins, enda hringi ég næstum aldrei í neinn nema aðra GSM síma, og vil að fólk hringi einungis í GSM símann minn. Því tel ég það merkisviðburð ef síminn hringir. Það gerðist núna rétt áðan:
*Rrriiinng*
Halló?
- Já góðan daginn [innskot mitt: það var reyndar kvöld], ég er að hringja frá Atlantsolíu og …
Afsakið, en hvar fékkstu þetta númer?
- Uh, við fengum langan lista með númerum, og …
Og hver er yfirmaður þinn?
- Uh, hann heitir Hugi … Hugi … Hreiðarsson, Hugi Hreiðarsson.
Takk fyrir.
- Það var lítið.
*klikk*
Ég sé mest eftir því að hafa ekki notað counterscript í þetta skiptið.
7. apríl 2008 klukkan 21:04
Fjandinn, þú máttir nú vara við pdf-inu. Við sem höfum ekki haft rænu á að skipta út Acrobat Reader fyrir betra forrit lendum alltaf í klípu við að opna svona.
7. apríl 2008 klukkan 21:08
Acrobat Reader er ekkert slæmt. Annars er líka til útgáfa á gif-formi.
7. apríl 2008 klukkan 22:10
Ég er með Acrobat og þetta gekk mjög vel og skemmti mér. En sannfærði mig þó um að nota áfram mína aðferð, skella bara á.
7. apríl 2008 klukkan 22:12
Ég uppgötvaði pdf-lesara sem tekur ekki sjö mínútur að keyra sig upp í byrjun, eins og Acrobat gerir fokkíng alltaf, en ég hef gleymt hvað það heitir.
7. apríl 2008 klukkan 22:30
ég hvæsi yfirleitt: Þú veist að þú mátt ekki hringja í mig!
Annars nota ég heimasímann talsvert meira en gsm símann, þar sem við erum í Og1 og heimasíminn er frír (í aðra heimasíma). Gæti verið að þú breyttir um skoðun þegar dóttirin fer að vilja tala við vinkonur svo klukkutímunum skiptir…