Öllum lokið
Í morgun var ég að fínpússa hið nýja póstkerfi Háskólans sem ég hef verið að hanna undanfarið ár. Í gær og fyrradag fór það í klessu út af villu í veiruskanna sem ég hafði ekki haft ímyndunarafl til að sjá fyrir, en nú virðist þetta vera komið á fínt ról.
Reyndar kemur aldrei neitt fyrir póstkerfið ef ég er nærri. Þegar villan kom upp í fyrrakvöld var ég á vorfagnaði Reiknistofnunar. Eftir að hafa dansað síðan fram eftir nóttu á Hressó fór ég heim með kærustunni og eldaði. Ég á beittan hníf sem ég saxa grænmeti og kjöt með. Mér tókst með naumindum að afstýra að stór partur af nögl löngutangar vinstri handar færi með í réttinn.
Mig langar út að hjóla. Ég held ég fari kringum Elliðavatn.
27. apríl 2008 klukkan 14:14
En fór þó þessi hluti í réttinn?
27. apríl 2008 klukkan 14:22
Nei, mér tókst að afstýra því. Fallegur skurður, n’est ce pas?
27. apríl 2008 klukkan 14:42
Mjög fallegur skurður, greinilega góður hnífur. Fékkstu nokkuð póst frá mér úr parisardaman hja free.fr?
27. apríl 2008 klukkan 14:48
Já, alveg rétt, ég var ekki búinn að svara. Þetta gæti verið vegna þess að einhver lítur á free.fr sem upprunastað ruslpósts, en annars veit ég ekki meir. Mínar ruslpóstvarnir byggja mest á vélrænni könnun innihalds, frekar en hvað stendur í From-addressunni.
Hnífurinn er einn sá besti sem ég hef prófað, en hann keypti ég fyrir rétt rúmar 500 kr í Bónus. Reyndar hafa þessir hnífar hækkað í verði síðan og kosta núna um 1500 kr. Þeir eiga það til að ryðga, en taka annars mjög vel brýningu.
27. apríl 2008 klukkan 18:39
ái, ái, ái!
27. apríl 2008 klukkan 21:01
Úff, þar skall hurð nærri þumli!
27. apríl 2008 klukkan 22:27
Já, það borgar sig ekki að munda eldhússveðjur eftir 18 bjóra og 12 ópalskot. Ég hef sem sagt smakkað mannakjöt núna, er ég alveg 100% viss um.
27. apríl 2008 klukkan 22:30
Þú hefur oft smakkað mitt kjöt.
27. apríl 2008 klukkan 22:30
Já, nei. Þetta var ekkert venjulegt svín.
27. apríl 2008 klukkan 22:32
Rembusvín?
27. apríl 2008 klukkan 22:35
Nei, ofur. ;;)
27. apríl 2008 klukkan 22:39
Eða - Pigs in Spaaaaaaace.
29. apríl 2008 klukkan 18:58
Á þessum krepputímum þarf auðvitað að sýna ráðdeild og sparnað, og því ekkert athugavert við að drýgja mat á þennan hátt
1. maí 2008 klukkan 20:50
óhuggulegt. gerist þetta oft þegar þú eldar? (hef alveg sérstakar ástæður til að spyrja)
1. maí 2008 klukkan 21:16
Þetta hefur gerst nokkrum sinnum en aldrei áður hef ég skorið svo stóran bita frá.
2. maí 2008 klukkan 23:13
ég skar einu sinni bita sem lenti í salatinu og ég fann hann ekki. Ekki nögl, samt…