Íslendingar geta stundum verið uppfullir af þessari sérstöku tegund af andríki sem Írar kalla blarney, en þó einkum og sérílagi þegar þeir fara að útskýra land og þjóð fyrir útlendingum.
Þetta hefur bæði kosti og galla; goðsagnir sem ganga ljósum logum um Íslendinga virðast greiða þeim leið á alþjóðavettvangi, en þó gerist stundum að goðsagnir sem voru smíðaðar í fréttatilkynningu í fyrra fara allt í einu að standa landsmönnum fyrir þrifum þegar þeir reyna að fara að gangast upp í þeim.
Þá er menningararfurinn orðinn að menningararfa sem þarf að reyta.
Ein þessara goðsagna er á þann veg að Íslendingar séu hvalveiðiþjóð frá fornu fari og að hvalveiðar séu hluti af menningu okkar sem við getum ekki verið án ef við eigum að kallast Íslendingar. Reyndar veit ég ekki betur en að langafi minn hafi verið kominn af barnsaldri þegar Íslendingar veiddu sinn fyrsta hval, en frá örófi alda og fram að þeim tímum báru Íslendingar í brjósti sér frumstæðan ótta gagnvart þessum skepnum sem þeir álitu hálf-yfirnáttúrulegar þótt þeir víluðu sér reyndar ekki við að leggja sér til munns kjöt af þeim er þær ráku sjálfdauðir á land. Um annan samgang á milli manns og hvals var ekki að ræða hér á landi.
Annar er sá hluti af menningu okkar sem fáir virðast hafa mikinn áhuga á að varðveita, þótt hann hafi verið okkur til halds og trausts frá því landið var byggt fyrir rúmlega 1100 árum síðan, en það er íslenska geitin. Hún er í bráðri útrýmingarhættu, enda er stofninn kominn niður í uþb 100 dýr. Þetta er dýr sem getur lifað við erfiðari aðstæður en nokkuð annað húsdýr, etur næstum hvað sem er, gefur af sér mjólk sem er mikið hollari en kýrmjólk eða ærmjólk og er undirstaðan í sumum eftirsóttustu ostum á jarðríki.
Samt er eins og öllum sé sama. Enginn moggabloggari fellir tár yfir örlögum landnámsgeitarinnar, en þess í stað froðufella þeir yfir því óréttlæti að mega ekki veiða hvali sem enginn borðar og enginn kaupir. Síðan bíta þeir höfuðið af skömminni með því að halda því blákalt fram að þetta sé í og með til að vernda forna búskaparhætti.
Ostur víkinganna mun endanlega hverfa meðan dragúldið kjöt þurrabúðarhokraranna bíður til eilífðarnóns að komast í tollafgreiðslu sem aldrei verður veitt.
Er ekki eitthvað alvarlega rangt við þetta hátterni?
Þrátt fyrir mikla ást á lögfræði, sem ég hafði þó aldrei næga einbeitingu til að stunda að miklu viti, þá verð ég þó að segja að annars konar lög eigi hug minn allan, en það eru sönglög. Núna þegar sumarið er svo fallegt er ég með mp3-spilarann minn í eyrunum allan tímann og stundum verð ég bara að syngja með þótt ég heyri ekkert í sjálfum mér.
Ég hef áður birt listann yfir lögin á spilaranum, þá voru einungis lög frá sjöunda áratugnum, en síðan þá hefur hann tekið nokkrum breytingum hægt og smátt, sum lög dottið út en önnur komið í staðinn og þá frá öðrum áratugum. Listinn í dag er mikið fjölbreyttari, en hann lítur svona út:
Arthur Alexander - Anna (Go To Him)
Arthur Alexander - A Shot Of Rhythm & Blues
Arthur Alexander - Hey! Baby!
Arthur Alexander - Soldier Of Love
Arthur Alexander - You Better Move On
Astrud Gilberto - The Shadow of Your Smile
Beach Boys - Good Vibrations
Beach Boys - Wouldn’t It Be Nice
Billy J Kramer and The Dakotas - I Call Your Name
BJ Thomas - Hooked On A Feeling
Björk - Bachelorette
Blue Swede - Hooked On A Feeling
Bob Dylan - Ballad Of A Thin Man
Bob Dylan - Desolation Row
Bob Dylan - I Want You
Bob Dylan - Just Like a Woman
Bob Dylan - Like A Rolling Stone
Bob Dylan - Love Minus Zero-No Limit
Bob Dylan - Mr. Tambourine Man
Bob Dylan - My Back Pages
Bob Dylan - Positively 4th Street
Bob Dylan - The Times They Are A-Changin’
Clyde McPhatter - Lover Please
Dave Clark Five - Do You Love Me
Dusty Springfield - I Only Want To Be With You
Dusty Springfield - You Don’t Have To Say You Love Me
Ellý Vilhjálms - Ég veit þú kemur
Ellý Vilhjálms - Sveitin milli sanda
Ellý Vilhjálms - Um þig
Ellý Vilhjálms - Vegir liggja til allra átta
Elvis Presley - Heartbreak Hotel
Gerry and the Pacemakers - Ferry Across The Mersey
Gerry and the Pacemakers - How Do You Do It
Gilbert O’Sullivan - Alone Again (Naturally)
Haukur Morthens - Fyrir Átta Árum
Haukur Morthens - Horfðu Á Mánann
Haukur Morthens - Ó, Borg Mín Borg (live)
Haukur Morthens - Ó, Borg Mín Borg
Herman’s Hermits - There’s a Kind of Hush
Hljómsveit Ingimars Eydal - Vor í Vaglaskógi
Jackie DeShannon - What the World Needs Now
James Brown - Nature Boy
Jane Birkin & Serge Gainsbourg - Jane B
Jimi Hendrix - All Along The Watchtower
Jimi Hendrix - Foxy Lady
Jimi Hendrix - Little Wing
Jimi Hendrix - Purple Haze
John Lennon - Stand By Me
Júpíters - Heiðar dansar
Kula Shaker - Tattva
LaBelle - Lady Marmalade
Larry Williams - Lawdy Miss Clawdy
Louis Armstrong - Hello Dolly
Louis Armstrong - What A Wonderful World
Luiz Bonfã - Manhã de Carnaval
Manfred Mann - Do Wah Diddy
Michael Jackson - Billy Jean
Neil Sedaka - Oh Carol
Nina Hagen - TV-Glotzer
Nina Hagen - Unbeschreiblich Weiblich
Oasis - Don’t Look Back In Anger
Oasis - Wonderwall
Paul Anka - Diana
Perez Prado & Rosemary Clooney - Sway
Roberto Murolo - Era Di Maggio
Roberto Murolo - Napule Canta
Roberto Murolo - ‘Na sera ‘e Maggio
Sandie Shaw - (There’s) Always Something There To Remind Me
Screamin Jay Hawkins - I Put A Spell On You
Sex Pistols - Anarchy In The Uk
Sex Pistols - Pretty Vacant
Simon and Garfunkel - Homeward Bound
Simon and Garfunkel - The Sound Of Silence (single version)
Siouxsie and the Banshees - Carousel
Siouxsie and the Banshees - Happy House
Small Faces - Itchycoo Park
Talking Heads - Cities
Talking Heads - Once In A Lifetime
Teddy Bears - To Know Him Is To Love Him
The Animals - Bring It On Home To Me
The Animals - Don’t Let Me Be Misunderstood
The Animals - House Of The Rising Sun
The Beatles - Across the Universe
The Beatles - Ain’t She Sweet
The Beatles - All I’ve Got To Do
The Beatles - All My Loving
The Beatles - Anna
The Beatles - Any Time At All
The Beatles - Are You Lonesome Tonight
The Beatles - A Shot Of Rhythm And Blues
The Beatles - Baby’s In Black
The Beatles - Bad Boy
The Beatles - Hey Bulldog
The Beatles - I Am The Walrus
The Beatles - I Call Your Name
The Beatles - If I Fell
The Beatles - I’ll Cry Instead
The Beatles - I’ll Get You
The Beatles - I’m A Loser
The Beatles - I’m Only Sleeping
The Beatles - I’m So Tired
The Beatles - In My Life
The Beatles - I Should Have Known Better
The Beatles - It’s Only Love
The Beatles - It Won’t Be Long
The Beatles - I Wanna Hold Your Hand
The Beatles - Leave My Kitten Alone
The Beatles - Money (Thats What I Want)
The Beatles - No Reply
The Beatles - Please Mister Postman
The Beatles - Rain
The Beatles - Rock And Roll Music
The Beatles - She Loves You
The Beatles - Slow Down
The Beatles - Soldier Of Love
The Beatles - Some Other Guy
The Beatles - Tell Me Why
The Beatles - The Night Before
The Beatles - The Word
The Beatles - This Boy
The Beatles - Twist And Shout
The Beatles - When I Get Home
The Beatles - You’re Going to Lose That Girl
The Beatles - You’ve Really Got A Hold On Me
The Byrds - Mr. Tambourine Man
The Byrds - Turn! Turn! Turn! (To Everything There Is A Season)
The Clash - Career Opportunities
The Clash - I Fought The Law
The Clash - London Calling
The Clash - Rock The Casbah
The Clash - Should I Stay or Go Now
The Clash - Spanish Bombs
The Clovers - Love Potion #9
The Contours - Do You Love Me
The Crazy World of Arthur Brown - Fire
The Crazy World of Arthur Brown - I’ve Got Money
The Crystals - He’s a Rebel
The Damned - Grimly Fiendish
The Donays - Devil In His Heart
The Doors - Maggie M’Gill
The Doors - Peace Frog
The Doors - Roadhouse Blues
The Doors - You Make Me Real
The Easybeats - Friday On My Mind
The Hollies - Bus Stop
The Kinks - Sunny Afternoon
The Kinks - Waterloo Sunset
The Lovin’ Spoonful - Daydream
The Lovin’ Spoonful - Summer in the City
The Marvelettes - Please Mr Postman
The Merseybeats - Sorrow
Them - I’m Gonna Dress In Black
Them - I Put A Spell On You
The Mojos - Everything’s All Right
The Motors - Airport
The Rolling Stones - All Sold Out
The Rolling Stones - Angie
The Rolling Stones - As Tears Go By
The Rolling Stones - Back Street Girl
The Rolling Stones - Child of the Moon
The Rolling Stones - Come On
The Rolling Stones - Complicated
The Rolling Stones - Confessing The Blues
The Rolling Stones - Congratulations
The Rolling Stones - Connection
The Rolling Stones - Cool, Calm and Collected
The Rolling Stones - Cry To Me
The Rolling Stones - Dandelion
The Rolling Stones - Doncha Bother Me
The Rolling Stones - Down Home Girl
The Rolling Stones - Heart Of Stone
The Rolling Stones - I Am Waiting
The Rolling Stones - I Can’t Be Satisfied
The Rolling Stones - If You Need Me
The Rolling Stones - I’m Free
The Rolling Stones - Jumpin Flash Jack
The Rolling Stones - Lady Jane
The Rolling Stones - Let’s spend the night together
The Rolling Stones - Little Red Rooster
The Rolling Stones - Long long while
The Rolling Stones - Mercy, Mercy
The Rolling Stones - Money
The Rolling Stones - Mother’s Little Helper
The Rolling Stones - My Obsession
The Rolling Stones - Not Fade Away
The Rolling Stones - Out of Time
The Rolling Stones - Pain In My Heart
The Rolling Stones - Play With Fire
The Rolling Stones - Ruby Tuesday
The Rolling Stones - She’s A Rainbow
The Rolling Stones - She Smiled Sweetly
The Rolling Stones - Sittin’ On A Fence
The Rolling Stones - Stoned
The Rolling Stones - Stupid Girl
The Rolling Stones - Susie Q
The Rolling Stones - Take It or Leave It
The Rolling Stones - That’s How Strong My Love Is
The Rolling Stones - The Singer Not the Song
The Rolling Stones - The Spider And The Fly
The Rolling Stones - Think
The Rolling Stones - Time Is On My Side
The Rolling Stones - Under My Thumb
The Rolling Stones - Under The Boardwalk
The Rolling Stones - What a Shame
The Rolling Stones - What To Do
The Rolling Stones - Who’s Been Sleeping Here
The Rolling Stones - Who’s Driving Your Plane
The Rolling Stones - Yesterday’s Papers
The Rolling Stones - You Better Move On
The Stranglers - (Get A) Grip (On Yourself)
The Stranglers - Hanging Around
The Stranglers - North Winds Blowing
The Swinging Blue Jeans - Hippy Hippy Shake
The Tremeloes - Silence Is Golden
The Troggs - Love Is All Around
The Troggs - With A Girl Like You
The Turtles - Elenore
The Turtles - So Happy Together
The Zombies - Beechwood Park
The Zombies - Friends Of Mine
The Zombies - Girl Help Me
The Zombies - Going Out of My Head
The Zombies - Gotta Get A Hold Of Myself
The Zombies - How We Were Before
The Zombies - Hung Up On A Dream
The Zombies - I Remember When I Loved Her
The Zombies - Just Out Of Reach
The Zombies - She’s Not There
The Zombies - Summertime
The Zombies - Tell Her No
The Zombies - The Look Of Love (1967 Live)
The Zombies - The Way I Feel Inside
The Zombies - This Will Be Our Year
The Zombies - Time Of The Season
The Zombies - Walking in the Sun
The Zombies - Whenever You’re Ready
The Zombies - You Make Me Feel So Good
The Zombies - You Really Got A Hold On Me
Thin Lizzy - Whisky in the jar
Tom Jones - Delilah
Tom Jones - Green Green Grass Of Home
Tom Jones - Sex Bomb
U2 - New Year’s Day
U2 - Sunday Bloody Sunday
U2 - Until the End of the World
UB40 - One In Ten
Weezer - Buddy Holly
Weezer - Hash Pipe
Þeyr - Bás 12
Þeyr - Rúdolf
Hér er lag á listanum sem hefur verið í miklu eftirlæti síðan ég heyrði það fyrst árið 1986:
Í fyrradag ætlaði ég að hjóla mér til hressingar upp í Elliðaárdal eftir vinnu. Þegar ég var kominn hálfa leið til Nauthólsvíkur uppgötvaði ég að vinstri sveifin var farin að rása til. Eftir stutta athugun sá ég að skrúfan var orðin laus og pedalasveifin með. Ég hjólaði hægt með öðrum fæti niður á N1 þar sem ég fékk lánaðan 8mm sexkant. Ég herti þetta duglega og hélt síðan áfram. Þegar ég var kominn að Víkingsheimilinu fann ég að þetta var aftur að losna. Ég hélt því áleiðis norður á bóginn, til að heimsækja bróður minn sem eflaust ætti verkfæri. Við Pizza Hut við endann á Bústaðavegi hitti ég hóp af vel útbúnu fjallahjólafólki sem var með 8mm sexkant meðferðis. Ég herti aftur og hélt áfram. Þegar ég var kominn í Skipasund til bróður míns var sveifin aftur orðin laus. Þar fékk ég lánað topplyklasett og herti svo um munaði. Síðan fór ég heim.
Daginn eftir kom ég við í Borgarhjólum á leið minni í vinnuna. Kallinn í Borgarhjólum leit á þetta, herti eins og hann gat og sagði að sennilega þyrfti að skipta um þetta allt og að þetta væri inni i ábyrgðinni hjá Erninum. Ég hjólaði því þangað eftir vinnu. Þeir sögðu að þetta væri þekkt vandamál og kæmi stundum fyrir, en einhvern veginn hafði ég það á tilfinningunnni að þetta kæmi bara fyrir fólk eins og mig sem stendur á pedulunum eins og Mongóli í ístöðum.
Síðan labbaði ég til afa og spjallaði við hann um hleranir, en hann var nr 28 á listanum sem var birtur í Morgunblaðinu. Hann sagðist ekki þurfa neina afsökunarbeiðni; hann vorkenndi þessum aumingjum og mættu þeir hvíla í friði.
Ég þurfti að vinna um nóttina og tók því frí til hádegis. Fyrir klukkan 10 fékk ég síðan SMS frá Erninum þar sem þeir sögðu að hjólið væri tilbúið og kostnaður minn væri enginn. Þegar ég sótti það sögðu þeir mér að nýi öxullinn væri langtum sterkbyggðari en sá gamli.
Stundum verður mér á að búa til ágætis rétti alveg upp úr þurru. Hér er einn sem ég er kominn með æði fyrir í seinni tíð
Þorskur í vatni
2 l vatn
2-3 þorskbitar
1 stór hnúður af engifer
1-10 chili
2-4 gulrætur
5-10 sveppir
Hálfur kúrbítur
3 matskeiðar af ostrusósu
Lítið búnt af kóríander
Vatnið er sett í pott og kveikt undir og stillt á hæsta. Tveir þorskbitar eru settir ofan í, best er að setja þá beint úr frysti. Engiferinn er saxaður í mjög smátt og fer út í. Chili sömuleiðis, síðan gulrætur í þunnar sneiðar, sveppir í sneiðar. Þegar þetta hefur bullsoðið í 10 mínútur eftir að síðasti sveppabitinn fór út í fer kúrbíturinn út í, saxaður í aðeins stærri bita en hitt. Þetta er látið bullsjóða í nokkrar mínútur til viðbótar. Síðan er þriðji þorskbitinn settur út í og látið sjóða í 2 mínútur en þá er ostrusósu bætt út í og látið sjóða í fimm mínútur til viðbótar. Síðan er slökkt undir og kóríanderinn er saxaður í smátt og hent út á súpuna rétt áður en hún er borin fram.
Ég hef núna gengið um í stuttbuxum undanfarnar þrjár vikur (og svo hjólastuttbuxum innanundir). Þessi reynsla mín hefur kennt mér að veðrið hér á Íslandi verður næstum aldrei of kalt fyrir stuttbuxur, sem eru alla jafna mikið þægilegri en síðbuxur. Þá fór ég að velta því fyrir mér, hvers vegna ekki ganga um í kilti?
Þegar maður er 98 ára og hefur gaman að veislum eru öll afmæli stórafmæli.
Stelpurnar spiluðu fyrir afa, bæði saman og í sitthvoru lagi, og hlutu gríðarlegt lof fyrir. Afmælissöngurinn var sunginn með saxófónundirleik. Andrea söng með undirleik þessara gaura. Birna fór í splitt. Eftir að við fórum hélt afmælisbarnið af stað í partí. Ég hitti hann síðan um hádegið daginn eftir þar sem hann var hress eins og vanalega.
Daginn eftir fór ég í langan hjólatúr, enda þarf maður nauðsynlega að svitna vel öðru hvoru. Ég hjólaði upp með Elliðaám að stað ekki langt frá hesthúsabyggðunum þaðan sem ég gat bæði séð Elliðavatn og Rauðavatn. Á heimleiðinni hjólaði ég gegnum Breiðholt, bæði efri og neðri. Mér finnst þessir staðir vera farnir að líta út eins og verstu slömm. Víða má sjá yfirgefnar verslunarmiðstöðvar sem líta út eins og draugaborgir sem tíminn hefur gleymt. Ég tók eftir því að enn eru flestir göngu- og hjólastígar austan Breiðholtsbrautar ósópaðir eftir veturinn. Er þetta kannski vegna þess að þjónusta borgarinnar á ekki að vera fyrir öreiga og þess háttar annars flokks borgara? Það er svo einkennilegt að það virðist sem að það sé hægt að moka sandi á alla stíga á einni nóttu, en svo tekur marga mánuði að sópa þá. Á meðan eru þessir stígar stórhættulegir.
<kaldhæðni>
Ef peninga til gatnamála skortir, þá mætti kannski fá sterkefnuð stórfyrirtæki til þess að styrkja þennan málaflokk gegn því að öðlast ódauðleika og eilífa auglýsingu með því að fá götur á höfuðborgarsvæðinu nefndar eftir sér. Microsoft gæti t.d. fengið örnefnin Windowshlíð og Gateskór.
</kaldhæðni>
